Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. dixit et amplexus ulnis circumdata iunxit
  2. iamque deum uenerata pio dedit oscula uentri.
    3. [*]( 189 subolis Nl 140 reuisit Nl 141 helisabeth N quae iam ex i quendam N m. 2 142 peritura Nl 148 genetrix (l m. 2) N 147 propheta ex profida N m. 2 pius N 149 maria mariam N 150 brahia N1 it 151 salua Nl o om. N 152 coetusque (a m. 2) N 154 intectae N ante corr. m. 1 ferris N1 155 tantu Nl 156 honus N1 158 pe- H netrabilibus N 160 praestet et hunc Gronovius, prestitet hunc (It m. 2) N 161 et N s. I. m. 2 curcumdata N 162 dedet N1 )
    13
  3. dic age nunc, Iudaea nocens et sanguine regis
  4. conmaculata tui, uerbis si nulla priorum
  5. est adhibenda fides, sacros si fallere uates
  6. creditis et Moysen ipsum, si fallere Dauid
  7. inpia peruersae putat inclementia gentis,
  8. credite non genitis; materna clausus in aluo
  9. quid uideat, sancto matris docet ore Iohannes.
  10. quis, precor, hunc docuit quem casto uiscere uirgo
  11. contineat, quantus maneat noua saecula partus?
  12. sed sanctis abstrusa patent nec uisa profanis.
  13. uerum egressa modum latos petit orbita campos
  14. atque oblita mei procurrere longius audet.
  15. spero, erit ut possim firmato robore quondam
  16. hoc quoque per spatium fortes agitare quadrigas.
  17. nunc coeptum repetamus iter; mortalia dicat
  18. pagina mortalis, dominum diuina loquantur.
  19. iamque adeo exacto, quantum natura iubebat,
  20. tempore matura puer inclitus editur aluo,