Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- Discussi, fateor, sectas, Antonius, omnes;
- plurima quaesiui, per singula quaeque cucurri, [*]( 607 campludensi 0 608 tumulis T martiribus B 610 qui T illos 0 spargat B, spergat T, purgat Ov, purget Bosto. 612 nomen T 614 nostra T nobis om. B loculus B 619 quod B 620 est Ov, ac T, om. B 622 quo T abcessit B 623 celse tuum frifi T asta T 624 patris T 625 pneumacio B 626 decet BO1, dices v 627 comune B 631 tunc Tv 632 et om. 0 patres OT, patris B, pares v )[*]( XXXII. AD. — 1 secas A )
- sed nihil inueni melius quam credere Christo.
- haec ego disposui leni describere uersu,
- et ne displiceat quod talia carmina pango,
- Dauid ipse deum modulata uoce rogauit,
- quo nos exemplo pro magnis parua canemus,
- dicentes quae sunt fugienda sequenda colenda,
- cum tamen in cunctis et res et causa probetur.
- Iudaicum primo populum nec gratia mouit
- mira dei; nam tum Pharaoni ereptus iniquo
- et mare transgressus pedibus lucente columna,
- cum duce qui mergi infestos uidit equestres
- et cui desertis nihil umquam defuit agris,
- Manna cui e caelo et fons de rupe cucurrit,
- post haec ipse deum praestantem tanta negauit,
- dumque aliud numen dementi pectore quaerit,
- ignibus incensis quod misit perdidit aurum.
- , par quoque paganus; lapides quos sculpit adorat
- et facit ipse sibi quod debeat ipse timere.
330