Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- quis mihi suggereret lacrimarum ad flumina fontem,
- quo mea deflerem facta meosque dies?
- nam mihi pro meritis actae per crimina uitae
- ingentes plagas flumine flere opus est.
- rumpe mei lapidem cordis, saluator Iesus,
- ut mollita pio uiscera fonte fluant;
- tu, precor, o fons Christe, meis innascere fibris,
- ut mihi uiua tuae uena resultet aquae.
- nam tu fons, quo uita fluit, quo gratia manat,
- quo lux omnigenas funditur in populos.
- qui te, Christe, bibent, dulci torrente refecti
- non sitient ultra, sed tamen et sitient.
- nam quos diuini satiarit copia uerbi,
- hos dulcedo magis pota sitire facit.
- te, domine, ergo, deus, panem fontemque salutis
- semper et esuriant et sitiant animae.
- non ieiuna fames, sed nec sitis arida uitam
- consumet, si te mens edat atque bibat. [*]( 415] (Ps. 101,10). 416] (Ps. 6, 7). 421] (Hier. 9,15). 432] (Ioh. 4,13). )[*]( 413 rigebat T 415 si T, sic BOv ut panem T, rex BOv 417 compet T unde piabor add. B m. 3 418 unde piabor unde B sed unde piabor exp. m. 3 inde 0 quianam B ope B a. 1. 419 oinis om. 0 421 suggereret Bv, suggeret OT lacrimarum ad BTv, ad lacrimarum 0 flumina T, lumina BOv 424 flumine BTv, flumina 0 425 iesu T, its 0 427 tu BO, teque T o om. BT 428 uiua tuae BOv, uiuacis T 430 omnigenos T 431 bibunt T 433 diuinis B saciant B 485 domine BOx, nostrae T fontem aque salutis 0 436 esurient B 437 famis BO )
- iugifluus semper biberis turbamque sitimque
- potantum exhaustus largior exuperas.
323