Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. tamquam homo defuncto lacrimas inpendit amico,
  2. quem mox ipse deus suscitat e tumulo.
  3. nauigio uectatur homo, et deus imperat austris,
  4. et uirtute dei ambulat aequor homo.
  5. [*]( 121] (Ioh. 11, 35. 44). 124] (Matth. 14, 32. 29. 26, 38). )[*]( w. 97 et 98 om. T 101 ut post te 0 uiuctum Tv, uictum BO 104 possit T 106 occisi T 108 auersa T legere clausa B 109 uicta T 113 orebescente T 115 anima 0 118 exibuit B 120 declinane T 121 impedit T 123 homo om. T 124 ambulat BOT, permeat tJ, iam ambulat fort. )
    312
  6. mente hominis trepidat uicinae mortis ad horam,
  7. mente dei nouit tempus adesse necis.
  8. in cruce fixus homo est, deus e cruce terruit orbem.
  9. mortem homo, uerum mors ipsa deum patitur.
  10. in cruce pendet homo, deus e cruce crimina donat
  11. et moriens uitam criminis interimit
  12. proque reis habitus peiorque latrone putatus,
  13. quem Iudaea pio praeposuit domino,
  14. credenti donat regnum caeleste latroni,
  15. clausus adhuc terris iam paradisum aperit.
  16. nos igitur firmare animos, attollere mentem
  17. ignauosque decet trudere corde metus,
  18. pro quibus ecce animam posuit simul atque resumpsit
  19. filius ille dei cuncta manente deo.
  20. de nostra uictor deus egit morte triumphum
  21. et nostrum secum corpus in astra tulit,