Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. Ante puer patribus claris et nomine auito
  2. Celsus erat, sed nunc celsus agit merito,
    3. [*]( XXX. — 1. Prior quattuor uersuum inscriptio una linea opere musiuo exarata Nolae in basilica inferiore in fronte peristylii singulis uersibus cruce aequilatera appicta inuenitur, unde codicis Cluniacensis sylloge )[*](8. VHII, JRemondini (Nolqn. ss. eccles. 1, p. 403) et nuper de Rossi (Inscript. christ. II, part. 1, p. 189, Romae 1888) sumpserunt. — 2 spaciis inscr. 3 uidete gaudentes syll. 4 pictum in peristylii latere dextero exteriore loco parum conspicuo sylloge om. 2. Inscriptionem octo uersuum zophoro interiori peristylii adpictam, cuius litterae musiuae antiquitate et loci squalore ita obscuratae nunc sunt, ut earum plena lectio difficillima sit, sylloge Cluniacencis, Sirmond (cod. Paris. lat. 10809, f. 30 et ad Sidon. epist. IIII, 18), Bemondini l. c., de Rossi l. c. descripserunt. — 1 ante om. syll. Bemond. 2 negans ex aegoras syll. 3 sacris] piis Sirm. 4 medii Sirm., merito Remond. 7 sic et] haec et Remond., haec ut Marini ap. Mai script. uet. n. c. V, p. 130, 2. )[*](XXXI. BOT. — Incipit de obitu pueri B, incipit de obitu celsi pueri 0, item uersus eiusdem consolatorii de Celso puero Pneumatii filio defuncto T )[*]( 20* )
    308
  3. quem dominus tanto cumulauit munere Christus,
  4. ut rudis ille annis et nouus iret aquis,
  5. atque bis infantem spatio aeui et fonte lauacri
  6. congeminata deo gratia proueheret.
  7. heu! quid agam? dubia pendens pietate laboro,
  8. gratuler an doleam? dignus utroque puer;
  9. cuius amor lacrimas et amor mihi gaudia suadet,
  10. sed gaudere fides, flere iubet pietas.
  11. tam modicum patribus tam dulci e pignore fructum
  12. defleo in exiguo temporis esse datum.
  13. rursus ut aeternae bona uoluo perennia uitae,
  14. quae deus in caelo praeparat innocuis;
  15. laetor obisse breui functum mortalia saeclo,.
  16. ut cito diuinas perfrueretur opes,
  17. nec terrena diu contagia mixtus iniquis
  18. duceret in fragili corporis hospitio,
  19. sed nullo istius temeratus crimine mundi
  20. dignius aeternum tenderet ad dominum.