Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. repperit in domino; quae si posuisset in urbe
  2. praesidium, patriis cecidisset mixta ruinis
  3. indefensa deo; meretrix sed mystica Christum
  4. prouida pollutas empturum sanguine gentes,
  5. puniceo proprium signauit uellere tectum
  6. excepitque suam patria pereunte salutem,
  7. significans illos mundo labente tegendos,
  8. quos crucis inuictae signat cruor. hinc cape quantum
  9. ipse cruor ualeat, cuius saluabat imago.
  10. semper in omne bonum ualuit confidere Christo,
  11. credere cuncta deo uirtutum, ponere solum
  12. omnia summa deum; talis super omnia semper
  13. arma fides ualuit; tali puer ille pusillus
  14. robore grandis erat, qui spretis fortior armis
  15. perculit armatum silicis uirtute gigantem.
    16. [*]( 158] (I Reg. 17,49). )[*]( 129 superet T, superos B tonitruis B 180 fiebat B, florebat T 131 minus B, mistis T 182 sola raab ADETd, solarhaab in B sugessit B 185 que T toto T hospite B 136 piis T 137 frande T 139 uitam patriamque] propriamque E, propriam uitamque T 140 contenta T, contempto D 141 reperit B posuisset ETfJ, potuisset B, fuisset AD 142 mista T 143 myxtica E 145 pumiceo BDJ 149 saluaba T 150 sem in T 151 uirtutum Av, uirtutem cet. 152 summa] posse T 155 siculis Bv, simili Col. in mg. giganta T )
    252
  16. arma fide semper, numquam cognouimus armis
  17. indiguisse fidem. rupit mare uirga fidelis,
  18. quod uacua arma fide cum principe mersit iniquo.
  19. femineas quoque personas uirtute uirili
  20. induit alma fides, mulier qua sancta peremit