Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. duc, Memor alme, tuos domino ante altaria natos
  2. commendaque precans sanctificante manu.
  3. sed quis odor nares adlabitur aethere manans?
  4. unde meos stringit lux inopina oculos?
  5. quis procul ille hominum placidis se passibus adfert,
  6. plurima quem Christi gratia prosequitur?
  7. quem benedicta cohors superis circumdat alumnis
  8. angelici referens agminis effigiem?
  9. nosco uirum, quem diuini comitantur odores
    10. [*]( 179] Gal. 3, 28: 181] I Cor. 12, 27. )[*]( 187 stet] sit Schot. in mg. 189 deserit] desinit Schot. in mg. 195 et] in fort. fratres sponso Schot., fratri sponsi Eosto. 197 quo SoItot., qui Bosw. 206 quem Rosto., quam Schot. )
    245
  10. et cui sidereum splendet in ore decus.
  11. hic uir hic est, domini numeroso munere Christi
  12. diues, uir superi luminis, Aemilius.
  13. surge, Memor, uenerare patrem, conplectere fratrem,
  14. uno utrumque tibi nomen in Aemilio est.
  15. iunior et senior Memor est. mirabile magni
  16. munus opusque dei! qui minor, hic pater est;
  17. posterius natus senior, quia sede sacerdos
  18. gestat apostolicam pectore canitiem.
  19. filius est fraterque Memor; laetatur adesse
  20. communem sibimet pignoribusque patrem.