Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- qui te decorum gloriosis saeculi,
- honore litteris domo,
- ditauit humili corde, ut aeternam tibi
- conferret altitudinem
- et ut coheres diuitum caeli (fores),
- istic amator pauperum.
- beatus es nunc mente pauper (sed) spei
- diues, qua gaudent pauperes,
- qui defrudati lubricis mundi bonis,
- caeli fruentur gaudiis.
- hos inter alto in Abrahae patris sinu
- secretum ab igne diuitum et
- refrigerantem roribus uitae locum
- deus uiuorum praeparat.
- insigne tantae iam spei certum tibi
- magno coruscat pignore,
- plantata domino in atriis Hierusales
- tui propage germinis. [*]( 471] (Phil. 2, 9). )[*]( 473 hfiT B 475 conStemur B 482 horrore B 485 caeli fores coni. Zechmeister, caeli 0, celi B, coeli esses v, caelestium Col. in mg. 486 istic BOv, esses Col. in mg. 487 sed v, om. BO spes B 489 deplgnore fraudati B 496 choruscat B pectqr? (corr. m. 2) 0 497 iliernsalem B 498 propage scripni, propago BOv )
- namque ut fideli te patri conponeret,
- a te poposcit filium,
223