Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- nostrisque iuxta sedibus gratum intulit
- Felix patronus hospitem.
- patriam hic rogatus indicat, casus refert,
- de te beata nuntiat.
- referensque paucos de tuis scriptis logos,
- quasi labra melle asperserit,
- sic de fauorum mihi tuorum guttulis
- dulcissimum gustum offerens,
- magis coegit quas auenti non dabat
- desiderari litteras;
- sed cum ipse causa litterarum uenerit,
- et litteras uidi tuas,
- non atramento calami sed mentis stilo
- in fratre praescriptas bono.
- ignotus ante mox ut esse cognitus
- coepit, fit et carissimus.
- ab intus eius emicabat gratia
- sermone mentis nuntio. [*]( 407 per iter breue aere scripsi, breue per iter (pariter B) aere BOv 408 medio quae 0 413 contulit B 416 ocursu B 419 uotis B 425 locos coni. Zechmeister 426 labra t\', libra BO 427 gutulis B 429 auenti Bostchabenti BOv 432 uidit B )
- bonus, inquit, omnis de bono profert bona,
- et arborem fructu uides;
221