Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- sic iste Christo blandiente molliter
- emensus asperum mare
- longinquiorem portum ab urbe adlabitur,
- cui Centum Cellas nomen est,
- abinde nauis promouenda longius
- intraret ut portum phari.
- uix iste credens se potitum litore
- telluris optatae sibi,
- naui relicta laetus insultat solum
- Romamque festinat pedes;
- illic amica tecta fratrum ciuium
- optatus hospes inuenit.
- respirat animo, conquiescit corpore,
- dat accipitque gaudia,
- patriam fruentes inuicem reddunt sibi,
- deo fatentur gratias. [*]( 345 littora B 346 uelud B 347 de uuditatis v, denudatls BO nautice 0, nauitice B 358 ereat B 362 et menso 0 364 Centumcellis v 365 abinde nauis scripsi, ad (ac v) inde naui BOv promouendus v 366 fari BO 367 littorem B 368 obtate B 372 obtatus B 375 patria BO, patria v 376 fauentur B )
- Martinianus maesta gaudens indicat,
- tolerata narrans fratribus.
- lacrimas in ipsis gratulationibus
- miscent profuso pectore.
219