Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- Martinianum spiritu fratrem mihi
- unaque germanum fide,
- quem tu disertis prosecutus litteris
- ad nos uenire miseras,
- nunc uix salutis conpotem factum suae,
- scriptis inanem perditis
- sed caritatis indicem plenum tuae
- ut os tuum suscepimus,
- et ueriorem litteris epistolam
- de corde signatam tuo,
- cum te referret spiritali littera,
- et mente et aure legimus.
- nunc ambo nexi ad inuicem dextras damus [*]( 326 lnmine E . 327 pene BE deforme B 328 tactis v, tectis ABDQ, totis (o in ras.) E sospite E, hospite ABDQv 329 nobis] ille bonis v, bonus Sacch. 330 hanc AQ 334 pene BEQ 335 munere ADEQ, lumine Bv finit natalis VII • B, finit sextus. incipit septimus D. XXIIII. — BO. incipit ad citberium (cyterium 0) supra memoratum BO Citherio B christo dS5 B salutem] hoc metro sunt isti uersns, id est, iambicus tetrameter add. B, iambicus exameter et tetrameter add. 0 1 martinum 0 3 prosequtus B 4 iusseras Scoot. 7 tuae om. B 11 referet B spirituali B 13 nunc coni. Zechmeister, tunc BOx )
- in osculo pacis sacrae
- et inmolamus hostiam laudis deo
- gratesque Christo reddimus,
- quo liberante nostra sospes e mari
- intraret hospes limina;
- nam dira passus et tamen miracula
- expertus in periculis.
207