Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. ei mihi! quanta meos urgent peccata labores,
  2. qui tantam merui plagam Felice patrono
  3. uicinoque simul Felicis et insuper ipso
  4. natali miser excipere? heu! magno reus ingens
  5. crimine, quem tunc poena ferit, cum soluere sueuit.
  6. sancte, precor, succurre tuo; scio, proximus adstas
  7. et de contigua missis huc auribus aede
  8. audisti, Felix, fletum infelicis alumni;
  9. sine modo excelso lateri coniunctus adhaeres
  10. ante thronum magni regis confessor amicus,
  11. pauperis hanc, uenerande, tui trans nubila uocem
  12. accipis aure dei neque temnis, sed petis illic
  13. quam mihi deportes Christo miserante salutem.
  14. [*]( 186 om. Q manum B 189 fenum Q 190 trepidantiam Q 191 diducere Bosw., deducere w 193 limine Q sociale AQ 196 lumines Q 197 molam D desperanti ADQ medelam BDE 198 opere D uox B 200 depmit Q quaerelam D 201 ei ADtQ, hei BEv, et D1 meo surgent AD pecta Q labore D9 203 uioinoqui Q 205 seuit Q, saeuit AD 206 sucurre B scio quia proximus 4 209 adhere Q 210 confessus a 211 hanc] an B uerande Q tuis B 213 qua B )
    202
  15. ergo ueni, Felix animaeque perenne patronus,
  16. nunc pro corporeo medicus mihi curre periclo.
  17. curre, precor, sanctasque manus oppone minanti
  18. lapsum oculo et fixum quod conspicis erue ferrum,
  19. quod propria reuocare manu non audeo, ne me
  20. lumine despoliem, dum conor soluere telo.
  21. sic etenim penitus mihi sentio fulmen adactum