Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- tradideras partem, subitos creuisse meatus
- laxatoque suis in faucibus ubere fontis [*]( 756 paterna D 757 querelae] qu§ A 759 quo icripsi, eo AD 762 usibus scripsi, uiribus AD, iuribus coni. Zechmeister 764 potu A 765 clamabus D, damnabus A 766 promptos AD, promotos Mwr. 769 iam scripsi, ut iam AD, tum coni. Zechmeister 779 Felicisque coni. Zechmcister, Felicis D, cis A 780 proflueret D, flueret (sed ante f spat. we.) A, efflueret Mur. )
- iussa fluenta tibi cum fenore reddita multo
- moenibus influxisse tuis; et tempore in ipso,
- quo totiens (tuae) aquae possessor egere solebas,
- in multum referente deo quod sumpserat a te
- fluxit abunda tuis aqua potibus atque lauacris.
- quodnam igitur tanto pro munere munus, Abella
- pauper opum, referam tibi? saltem carmine nostro
- obsequium nomenque tuum dum praedico signans,
- hoc pensabo tibi pretium mercedis honore,
- Felicis sancti scribaris ut addita semper
- laudibus et tanti memoreris alumna patroni,
- cuius donorum (tibi) maxima portio facta est.
- nunc tuus iste labor, quo te Felicis adegit
- spiritus, ut tota tibi plebe uel ordine concors
- adgredereris opus magno sudore parandum,
- tempore et aestiuo durum duplicante laborem,
- molis ut antiquae per iniqua cacumina formam
- praeteritis notam saeclis, iam uero sine usu
184