Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. iussa sacerdotum facere; et primus labor illis
  2. cancellos remouere loco curaque sequenti
  3. haerentes tabulas resolutis tollere clauis.
  4. uerum ubi depressam sub tegmine marmoris arcam
  5. uidimus inrupta solii conpage manentem,
  6. tunc secura fides dubio de corde periclum
  7. erroris pepulit, cum tactu oculoque probaret,
  8. incolumi solio nusquam rimante sepulchro,
  9. undique uallatum ualido munimine corpus
  10. martyris emeriti nullis patuisse piaclis
    11. [*]( 599 manus A 605 ecquid scripsi, et quid AD, ne quid com. Mur. 615 sanctis AD; em. Mur. 617 mirandae ruptio AD 620 praesbiteros A 621 sacerdotis coni. Mur. et AD, est Mur. 623 haerentem tabulam coni. ZechmciMer 628 incolomi D nusquam AD, numquam d )
    179
  11. et dignum retinere suae pia carnis honorem
  12. ossa, quibus sanctos numquam desistit adesse
  13. spiritus, unde piis stat gratia uiua sepulchris,
  14. quae probat in Christo functos sine morte sepultos
  15. ad tempus placido sopiri corpora somno.
  16. ergo reformato Felicis honore sepulchri
  17. omnia sollicite munita relinquimus, ut iam
  18. usque diem domini, quo debita principe Christo
  19. excitis pariter radiabit gloria sanctis,
  20. inconcussa suo requiescant ossa cubili,