Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- passus es, ut uitam commercarere duorum
- perque iugum carnis duplicata salus animarum
- dilatam unius posset pensare salutem.
- ex illo quamuis alio mihi tramite uita
- curreret atque alio colerem procul absitus orbe,
- qua maris Oceani circumsona tunditur aestu
- Gallia: mente tamen numquam diuulsus ab ista
- sede fui semperque sinu Felicis inhaesi
- inque uicem sensi Felicem adsistere nostris
- rebus in omne bonum per cuncta domique forisque
- conficienda. mihi res et defensio rerum
- unus erat Felix placato numine Christi,
- semper et auertens aduersa et prospera praestans.
- tu Felix semper felix mihi, ne miser essem,
- perpetua pater et custos pietate fuisti.
- cumque laborarem germani sanguine caesi [*]( 398 sollicite A 401 commercare D 405 aliam c. p. a. oram coni. Petrus Bemardonitts 406 ociani A circumsona tunditur D, ut Petrus Bernardonixts coniecerat, circumsonat unditus A 407 gallia DAI, Galla A* Mur. 408 side fuissem perque sinus A 411 resj spes fort. 413 auersa Mur. 416 laborem A )
- et consanguineum pareret fraterna periclum
- causa mihi censumque meum iam sector adisset,
- tu mea colla, pater, gladio, patrimonia fisco
- eximis et Christo domino mea meque reseruas.
172