Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. primus Latinis nomen in fastis tenens,
  2. quem Roma pulsis regibus Bruto addidit,
  3. Valeri modo huius Christiani consulis
  4. longe retrorsum generis auctor ultimus.
  5. o uena felix! ille gentili licet
  6. errore functus hoc suae stirpis bonum
  7. non capiat atro mersus inferni lacu,
  8. sed nos fideli contuentes lumine-
  9. retroacta uel praesentia humani status
  10. miramur opera conditoris ardui
  11. et praeparatos a uetustis saeculis
  12. successionum mysticarum lineis
  13. pios stupemus inpiorum filios;
  14. tamen in tenebris inpiarum mentium.
  15. lucis uidemus emicasse semina
  16. [*]( 207 creauit Mur. 210 Appronianum E 211 carnis] cordis fort. 214 quo E 215 christo AD, christi E 217 minore coni. Zechmeister, minor est E, minor AD pinnianus E 219 urbis ex urbe D m. 2 primi genitus E, primigenus MtW. 220 Valerua D 221 latinus A1 226 errore E, terrore AD 232 myxticarum E 233 pios E, post AD )
    166
  17. in tempore ipso noctis antiquae sitis,
  18. quibus probata quamlibet gentilibus
  19. mens et uoluntas lege naturae fuit.
  20. hinc in quibusdam nunc eorum posteris
  21. ueterum subinde uena respondet patrum;