Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. praeterita tempore aut locis absentia.
  2. adsunt, tenentur ipsa dona comminus;
  3. uidetis omnes munera hoc anno data
  4. nobis in uno iuncta Felicis sinu,
  5. [*]( 178 legendus A dignius E, dignus AD 179 istud Ming., istum ADE 189 laxatum E 190 et 191 inuerso ordine exh. Mur. 198 quodannis D 200 summam AE1 202 assunt E cominus E )
    165
  6. mancipia Christi, nobiles terrae prius,
  7. nunc uero caelo destinatos incolas,
  8. quos Christus ipse, qui crearat diuites,
  9. hoc pauperauit saeculo, in regnum ut suum
  10. terreni honoris arce deiectos uehat:
  11. Apronianum Turciae gentis decus,
  12. aetate puerum, sensibus carnis senem,
  13. ueteri togarum nobilem prosapia
  14. sed clariorem Christiano nomine,
  15. qui mixta ueteris et noui ortus gloria
  16. uetus est senator curiae, Christo nouus.
  17. huic propinquat socius aequali iugo
  18. aeuo minore Pinianus, par fide,
  19. et ipse prisco sanguine inlustris puer,
  20. in principe urbe consulis primi genus.
  21. Valerius ille consulari stemmate