Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. Parthia Matthaeum conplectitur, India Thomam,
  2. Lebbaeum Libyes, Phryges accepere Philippum,
  3. Creta Titum sumpsit, medicum Boeotia Lucam.
  4. Marcus, Alexandria, tibi datus, ut boue pulso
  5. cum Ioue nec pecudes Aegyptus in Apide demens
  6. in Ioue nec ciuem coleret male Creta sepultum,
  7. nec Phryges exsectis agerent Cybeleia Gallis
  8. inpuram foedo solantes uulnere matrem,
  9. et tandem castis fronderet montibus Ida
  10. intactas referens securo uertice pinus,
  11. uana nec ulterius mutos iam Graecia Delphos
  12. consuleret spernensque suum calcaret Olympum
  13. altius in Sion gradiens, ubi collis alumni
  14. lene iugum celso fastigat uertice Christus.
  15. fugit et ex Epheso trudente Diana Iohanne
  16. germanum comitata suum, quem nomine Christi
  17. inperitans Paulus pulso Pythone fugauit.
    18. [*]( 69 simulachra E ut solet 70 ista D 71 daemonis AD 74 iam que E, quem AD, quoque fort. 78 patras D* 79 at A 81 mattheum zf, matheum ADE thoman d 82 lebbeum ADE lybies AdDE fryges D, friges AE phylippum a 83 sibi sumpsit et G medicum om. d boethia AD, otia a lucan AD 84 alexandrea E 85 peccudes D 87 fryges A, friges DE et sectis AD cybelaeia A, cibeleia E 88-179 om. D 91 multos A 97 imperitas A phytone A, phitone E )
    122
  18. fugit et Aegypto Satanas, ubi mille figuras,
  19. nomina mille sibi uariis adcommoda monstris
  20. sumpserat, ut Serapi sanctum formaret Ioseph,