Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- aggere et ingenti gemitu fletuque profuso
- Felicem clamans praesumit corde fideli
- non remeare domum nisi cum cruce; moxque peractum
- promptus iter relegit. fit et ilicet obuius illi
- quidam homo, qui furem non furem sed quasi ciuem
- norat. eum noster primus rogat unde uiator
- adforet; ille refert. rursus de fure rogatur,
- si uidisset eum; respondit at ille propinquis
- inde locis agere, et regio illa (indicta) prope ipsos,
- dum loquerentur, erat monti coniuncta Veseuo,
- quintus ab urbe lapis Nola. sed uesperis ortus
- consilium differt. placet ut lux crastina rursus [*]( 486 obit AD, abit E 488 orba E, orbe AD 489 solito pulchrae fort. 490 pallescunt AD, pauescunt E 491 iure E, om. D et spatio nacuo A, posse Mur. 495 scrutantur quaesitos D littore E 497 recursis Mur. 499 fusus E 504 fit et E, fiet AD, fitque Mur. illicet E 506 norat eum. noster Mw-. rogat] eum add. AD 507 rogatus Mur. 508 ad D 509 illa indicta scripsi, om. A, illa D, tunc illa E ipsos AD illos E 510 besaeuo AD 511 ortos AD )
- iungat utrumque sibi. fit mane, reuertitur index;
- perducit nostros, capitur fur, praeda refertur.
- forte sacrata dies inluxerat illa beati
- natalem Prisci referens, quem et Nola celebrat
- quamuis ille alia Nucerinus episcopus urbe
- sederit. ecce ipsam sancti Felicis in aulam,
- quam tunc sollemni populus stipauit honore,
- post sacra iam soluente pios antistite coetus
136