Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- personae exululant poenis, qui numine falso
- di fuerant, et qui mentito numine uiuos
- ante dei cultum sibi nil caeleste uidentes
- dediderant homines, hi nunc, ubi lumine Christi
- uera fides patuit, non possunt ferre sepultos.
- sed magis ut pateat quia nunc hi, qui cruciantur
- daemones ante fores aut ante sepulchra piorum,
- idem sint illi, quibus olim serua litabat
- gens hominum et sacros demens libabat honores,
- ipsa docet uocum species; nam saepius illa
- uoce gemunt, solitum ut noscas clamore furorem.
- sic plerumque uelut resoluto laxius ore
- dente fremunt, spumant labris horrentque capillis, [*]( s 248 inferni E 245 solis (s in ras.) D, soli E, soli A 246 parem A1 scaeua AD, saeua E 248 sibi E 255 lege AD, gente E 261 paenis A 262 di ADd, dii E (defuerant Dtmg. auctore Ming.) nomine Dung. auctore Ming. uiuo coni. Mwr. 268 iidem E sunt Mwr. 269 litabat Mur. 271 clamore D, clamare AE 272 resoluto E, dissoluto AD )
- utque manu prensante comam excutiuntur in altum
- et pede pendentes stant crinibus; interea illic
- sacrorum memores ueterum, quibus exta solebant
- lambere caesarum pecudum aut libamine pasci
- lasciuosque choros hederatis ducere pompis,
- nunc etiam sua testantes sacra illa fuisse,
- in quibus insanos dabat ebria turba tumultus,
128