Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. desipiens propriisque litans furialia sacra
  2. uulneribus sanam meruisset perdere mentem.
  3. o caecis mens digna animis et numina digna!
  4. auersis seruire deo Venus et nemus illis
    5. [*](post us. 159 lacunam esse suspicatur Mingarelli 161 quatit scripsi, qui- bus AE 162 tetrum A\'E, et taetrum fort. lignum A 167 etiam coni. Chatelain, iam E, om. ALl, simul MtW. 169 bachi E 170 numerant A 175 religiones A erat E 176 hic om. et post us. 212 imerit A 178 sacri A 179 ut scripsi, at BE, et Mur. esset MtW., esse AE 181 propriis Mur. litens D furalia AD MtW. sacrae MtW. 188 numina E, numine AD 184 auersis E\', aduersis ADE1 numine, digna Aduersis seruire deis Mux. )
    125
  5. sint deus; ebrietas demens, amor inpius illos
  6. sanctificent; abscisa colant miserumque pudorem
  7. erroris foedi matris mysteria dicant.
  8. digna fides illis, quibus almo in lumine ueri
  9. legibus et castis et magno nomine Christi
  10. nulla fides et nullus amor, ideoque nec ullum
  11. indignae pretium uitae est in sanguine Christi.
  12. sit deus his uenter uel cetera gaudia carnis,
  13. quis deus ipse deus non est, quibus in cruce Christi
  14. gloria nulla subest, quia non dignatur adire
  15. degeneres animos uirtus crucis. inde beatus
  16. Felix, ut reliqui diuerso martyres orbe
  17. Nolanis medicus fuit, estque perennis ope ista,
  18. nec modo Nolanis sed et omnibus, a quibus idem
  19. inploratus erit, dabit isto iure salutem,
  20. si crucis alma fides in pectore supplicis adsit.