De Mortibus Persecutorum

Propinquantibus ergo exercitibus iam futurum propediem proelium uidebatur.

tum Maximinus eius modi uotum Ioui uouit, ut si uictoriam cepisset, Christianorum nomen extingueret unusque deleret.

tunc proxima nocte Licinio quiescenti adsistit angelus dei monens, ut ocius surgeret atque oraret deum summum cum omni exercitu suo: illius fore uictoriam.

si fecisset. post has uoces cum surgere sibi usus esset et cum ipse qui monebat, adstaret, tunc docebat eum, quomodo et quibus uerbis esset orandum.

discusso deinde somno notarium iussit acciri et sicut audierat, haec uerba dictauit:

Summe deus, te rogamus, sancte deus, te rogamus: omnem iustitiam tibi commendamus, salutem nostram tibi commendamus, imperium nostrum tibi commendamus. per te uiuimus, per te uictores et felices existimus. summe, sancte deus, preces nostras exaudi: brachia nostra ad te tendimus: exaudi sancte, summe deus.

scribuntur haec in libellis pluribus et per praepositos tribunosque mittuntur, ut suos quisque milites doceat. creuit animus uniuersis uictoriam sibi credentibus de caelo nuntiatam.

statuit imperator proelium diei Kalendarum Maiarum, quae octauum annum [*](1 totidem. qui ed. Oxon. 1680, item Bentleius, totidemq. C; totidemque Bal, sed totidem atque in Erratis, totidem. hic itaque Columbus 2 fort. pergente Bal (in Erratis) 12 quiescenti (ti in ras.) C otius C H <id> si Heumann cum surgere Bal, Csurgere C 15 ipse Boherellus, ipso C; consurgere—uisus est et cum ipso-adstare ToUius; et ipse-adstare Heumann tunc] bic Heumann 17 asciri C, corr. Tollius 28 die uel diem Cuperus, in diem aut ad diem Columbus, die etiam Bentleius )

Maximinus uoluit praeire matunus: pridie mane aciem composuit, ut natalem suum postridie uictor celebraret. nuntiatur in castra mouisse Maximinum. capiunt milites arma obuiamque procedunt. campus intererat sterilis ac nudus, quem uocant Serenum.

erat iam utraque acies in conspectu. Liciniani scuta deponunt, galeas resoluunt, ad caelum manus tendunt praeeuntibus praepositis et pro imperatore precem dicunt. audit acies peritura precantium murmur.

illi oratione ter dicta uirtute iam pleni reponunt capitibus galeas, scuta tollunt. procedunt imperatores ad conloquium.

ferri non potuit Maximinus ad pacem: contemnebat enim Licinium ac desertum in a militibus existimabat, quod ille esset in largiendo tenax, ipse autem profusus, eoque proposito mouerat bellum, ut exercitu Licinii sine certamine accepto ad Constantinum duplicatis uiribus statim pergeret.