In Rufinum

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. Allecto stetit in mediis vulgusque tacere
  2. iussit et obstantes in tergum reppulit angues
  3. perque umeros errare dedit. tum corde sub imo
  4. inclusam rabidis patefecit vocibus iram:
  5. “Sicine tranquillo produci saecula cursu,
  6. sic fortunatas patiemur vivere gentes?
  7. quae nova corrupit nostros dementia mores?
  8. quo rabies innata perit? quid inania prosunt
  9. verbera? quid facibus nequiquam cingimur atris?
  10. v.1.p.30
  11. heu nimis ignavae, quas Iuppiter arcet Olympo,
  12. Theodosius terris. en aurea nascitur aetas,
  13. en proles antiqua redit. Concordia, Virtus
  14. cumque Fide Pietas alta cervice vagantur
  15. insignemque canunt nostra de plebe triumphum.
  16. pro dolor! ipsa mihi liquidas delapsa per auras
  17. Iustitia insultat vitiisque a stirpe recisis
  18. elicit oppressas tenebroso carcere leges.
  19. at nos indecores longo torpebimus aevo
  20. omnibus eiectae regnis! agnoscite tandem
  21. quid Furias deceat; consuetas sumite vires