In Eutropium

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. inventas primus Busiridis imbuit aras
  2. et cecidit saevi, quod dixerat, hostia sacri.
  3. sic opifex tauri tormentorumque repertor,
  4. qui funesta novo fabricaverat aera dolori,
  5. primus inexpertum Siculo cogente tyranno
  6. sensit opus docuitque suum mugire iuvencum.
  7. nullius Eutropius, quam qui se protulit, ante
  8. direptas possedit opes nullumque priorem
  9. perculit exilio solumque hoc rite peregit,
  10. auctorem damnare suum. Postquam obsitus aevo
  11. semivir excelsam rerum sublatus in arcem,
  12. quod nec vota pati nec fingere somnia possunt,
  13. vidit sub pedibus leges subiectaque colla
  14. nobilium tantumque sibi permittere fata,
  15. qui nihil optasset plus libertate mereri,
  16. v.1.p.152
  17. iamiam dissimulat dominos alteque tumescunt
  18. serviles animi. procerum squalor e repletus
  19. carcer et exulibus Meroe campique gemescunt
  20. Aethiopum; poenis hominum plaga personat ardens;
  21. Marmaricus claris violatur caedibus Hammon.