In Eutropium

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. luxuriae Fortuna suae: cum pallida nudis
  2. ossibus horrorem dominis praeberet imago
  3. decolor et macies occursu laederet omnes,
    4. v.1.p.148
  4. aut pueris latura metus aut taedia mensis
  5. aut crimen famulis aut procedentibus omen,
  6. et nihil exhausto caperent in stipite lucri:
  7. (sternere quippe toros vel caedere ligna culinae
  8. membra negant; aurum, vestes, arcana tueri
  9. mens infida vetat; quis enim committere vellet
  10. lenoni thalamum?): tandem ceu funus acerbum
  11. infaustamque suis trusere penatibus umbram.
  12. contemptu iam liber erat: sic pastor obesum
  13. lacte canem ferroque ligat pascitque revinctum,
  14. dum validus servare gregem vigilique rapaces
  15. latratu terrere lupos; cum tardior idem
  16. iam scabie laceras deiecit sordidus aures,
  17. solvit et exuto lucratur vincula collo.
  18. Est ubi despectus nimius iuvat. undique pulso
  19. per cunctas licuit fraudes impune vagari
  20. et fatis aperire viam. pro quisquis Olympi