de raptu Proserpinae

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. Otia sopitis ageret cum cantibus Orpheus
  2. neglectumque diu deposuisset opus,
  3. lugebant erepta sibi solacia Nymphae,
  4. quaerebant dulces flumina maesta modos.'
  5. saeva feris natura redit metuensque leonem
  6. implorat citharae vacca tacentis opem.
  7. illius et duri flevere silentia montes
  8. silvaque Bistoniam saepe secuta chelyn.
  9. Sed postquam Inachiis Alcides missus ab Argis
  10. Thracia pacifero contigit arva pede
  11. diraque sanguinei vertit praesaepia regis
  12. et Diomedeos gramine pavit equos,
  13. tunc patriae festo laetatus tempore vates
  14. desuetae repetit fila canora lyrae
  15. v.2.p.316
  16. et resides levi modulatus pectine nervos
  17. pollice festivo nobile duxit ebur.
  18. vix auditus erat : venti frenantur et undae,
  19. pigrior adstrictis torpuit Hebrus aquis,
  20. porrexit Rhodope sitientes carmina rupes,
  21. excussit gelidas pronior Ossa nives ;