de consulatu Stilichonis

Claudian

Claudian, Volume 1-2. Platnauer, Maurice, editor. Harvard University Press: Cambridge, MA; London, England, 1922.

  1. qui mihi Maurorum penitus lacrimabile nomen
  2. ignorare dedit ?” Post has Oenotria lentis
  3. vitibus intorquens hederas et palmite largo
  4. vina fluens : “si vos adeo Stilichone curules
  5. augeri flagratis ” ait “quas sola iuvare
  6. fama potest, quanto me dignius incitat ardor,
    7. v.2.p.22
  7. ut praesente fruar conscendentemque tribunal
  8. prosequar atque anni pandentem claustra salutem ? ”
  9. Talibus alternant studiis Romamque precantes,
  10. pro cunctis, hortantur, eat. nec segnius ilia
  11. paruit officio, raptis sed protinus armis
  12. ocior excusso per nubila sidere tendit.
  13. transvehitur Tuscos Appenninusque volatu
  14. stringitur. Eridanus clipei iam fulgurat umbra ;
  15. constitit ante ducem tetrica nec Pallade vultum
  16. deterior nec Marte minor, tremit orbe corusco
  17. iam domus et summae tangunt laquearia cristae :
  18. tum prior attonitum gratis adfata querellis :
  19. “Servatas, Stilicho, per te, venerande, curules,
  20. ornatas necdum fateor. quid profuit anni