Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. non talem Triviae confert laudator Homerus
  2. Alcinoo genitam, quae dum per litora vestes
  3. explicat et famulas exercet laeta choreis,
  4. auratam iaculata pilam post naufraga somni
  5. otia progressum foliis expavit Ulixen.
  6. Pierius labor et veterum tibi carmina vatum
  7. ludus erat : quos Smyrna dedit, quos Mantua libros
    8. v.2.p.250
  8. percurrens damnas Holenam nec parcis Elissae.
  9. nobiliora tenent animos exempla pudicos :
  10. Laodamia sequens remeantem rursus ad umbras
  11. Phylaciden et prona ruens Capaneia coniunx
  12. communes ardente viro mixtura favillas,
  13. et gravis incumbens casto Lucretia ferro,
  14. vulnere quae proprio facinus testata tyranni
  15. armavit patriae iustos in bella dolores
  16. exule Tarquinio, memorandaque concidit uno
  17. ulta pudicitiam libertatemque cruore.
  18. talia facta libens non tu virtute minore,
  19. sed fato meliore legis. Iam nubilis aetas
  20. principe sollicito votis erexerat aulam