De consolatione philosophiae

Boethius

Boethius. Anicii Manlii Severini Boethii Philosophiae Consolationis (Corpus scriptorum ecclesiasticorum Latinorum, Volume 67). Weinberger, Wilhelm, editor. Vienna, Leipzig: Hoelder-Pichler Tempsky, Akademische Verlags Gesellschaft, 1934.

  1. Quid tantos iuvat excitare motus
  2. et propria fatum sollicitare manu?
  3. Si mortem petitis, propinquat ipsa
  4. sponte sua volucres nec remoratur equos.
  5. Quos serpens, leo, tigris, ursus, aper
  6. dente petunt, idem se tamen ense petunt;
  7. an distant quia dissidentque mores,
  8. iniustas acies et fera. bella movent
  9. alternisque volunt perire telis?
  10. Non est iusta satis saevitiae ratio;
  11. vis aptam meritis vicem referre:
  12. dilige iure bonos et miseresce malis.