De consolatione philosophiae

Boethius

Boethius. Anicii Manlii Severini Boethii Philosophiae Consolationis (Corpus scriptorum ecclesiasticorum Latinorum, Volume 67). Weinberger, Wilhelm, editor. Vienna, Leipzig: Hoelder-Pichler Tempsky, Akademische Verlags Gesellschaft, 1934.

  1. Tunc me discussa liquerunt nocte tenebrae
  2. luminibusque prior rediit vigor,
  3. ut, cum praecipiti glomerantur sidera Coro
  4. nimbosisque polus stetit imbribus,
  5. sol latet ac nondum caelo venientibus astris
  6. desuper in terram nox funditur;
  7. hanc si Threicio Boreas emissus ab antro
  8. verberet et clausum reseret diem,
  9. emicat et subito vibratus lumine Phoebus
  10. mirantes oculos radiis ferit. [*]((10))