Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. audita patria natisque et coniuge et armis,
  2. ac membra et sensus gelidus stupefecerat horror.
  3. tum uox semanimi miseranda effunditur ore:
  4. ‘Parce, precor, dextrae, non ut mihi uita supersit
  5. (quippe nefas hac uelle frui), sed sanguine nostro
  6. ne damnes, o nate, manus. Carthaginis ille
  7. captiuus, patrias nunc primum aduectus in oras,
  8. ille ego sum Satricus, Solimi genus. haud tua, nate,
  9. fraus ulla est. iaceres in me cum feruidus hastam,
  10. Poenus eram. uerum castris elapsus acerbis
  11. ad uos et carae properabam coniugis ora:
  12. hunc rapui exanimi clipeum. sed iam unice nobis
  13. haec fratris tumulis arma excusata reporta.
  14. curarum tibi prima tamen sit, nate, referre
  15. ductori monitus Paulo, producere bellum
  16. nitatur Poenoque neget certamina Martis.
  17. augurio exultat diuum immensamque propinqua
  18. stragem acie sperat. quaeso, cohibete furentem
  19. Varronem: namque hunc fama est impellere signa.
  20. sat magnum hoc miserae fuerit mihi cardine uitae