Punica
Silius Italicus, Tiberius Catius
Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.
- fundamenta Capyn posuisse antiquitus urbi
- non cuiquam uisus passim monet, ille refusis
- in spatium immensum campis habitanda relinqui
- utile tecta docet. paulatim atrocibus irae
- languescunt animis, et uis mollita senescit.
- Pan Ioue missus erat seruari tecta uolente
- Troia, pendenti similis Pan semper et imo
- uix ulla inscribens terrae uestigia cornu.
- dextera lasciuit caesa Tegeatide capra
- uerbera laeta mouens festa per compita cauda.
- cingit acuta comas et opacat tempora pinus,
- ac parua erumpunt rubicunda cornua fronte.
- stant aures, imoque cadit barba hispida mento.
- pastorale deo baculum, pellisque sinistrum
- uelat grata latus tenerae de corpore dammae.
- nulla in praeruptum tam prona et inhospita cautes,
- in qua non librans corpus similisque uolanti
- cornipedem tulerit praecisa per auia plantam.
- interdum inflexus medio nascentia tergo
- respicit adridens hirtae ludibria caudae,