Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. fer tecum castamque fidem seruataque iura:
  2. deceptos mihi linque deos.’ cui talia Murrus:
  3. ‘Exoptatus ades. mens olim proelia poscit
  4. speque tui flagrat capitis: fer debita fraudum
  5. praemia et Italiam tellure inquire sub ima.
  6. longum in Dardanios finis iter atque niualem
  7. Pyrenen Alpesque tibi mea dextera donat.’
  8. Haec inter cernens subeuntem comminus hostem
  9. praeruptumque loci fidum sibi, corripit ingens
  10. aggere conuulso saxum et nitentis in ora
  11. deuoluit, pronoque silex ruit incitus ictu.
  12. subsedit duro concussus fragmine muri.
  13. tum pudor accendit mentem, nec conscia fallit
  14. uirtus pressa loco; frendens luctatur et aegro
  15. scandit in aduersum per saxa uetantia nisu.
  16. sed postquam propior uicino lumine fulsit
  17. et tota se mole tulit, uelut incita clausum
  18. agmina Poenorum cingant, et cuncta pauentem
  19. castra premant, lato Murrus caligat in hoste.
  20. mille simul dextrae densusque micare uidetur