Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. deveniat, sacras solita est ubi fundere taedas[*](taedas M, aedas V )
  2. Colchis et aequali dominam lustrare caterva.
  3. nec te nunc Hecates subeat metus, aut mea forte
  4. impediat ne coepta time;[*](ne coepta time Heinsius, nec aetati me V, nunc acta time C ) quin audeat opto:
  5. continuo transibit amor, cantuque trilingui
  6. ipsam flammiferos cogam compescere tauros.'
    7. ---
  7. amplexuque petit;[*](ante hunc versum excidit versus huius fere sententiae talia iactantem blandis Saturnia dictis | peti V, peti C ) volucrem tunc aspicit Irin
  8. festinamque[*](Festinamque C, Festinansque V ) iubet monitis parere Diones
  9. et iuvenem Aesonium praedicto sistere luco.
  10. protinus hinc Iris Minyas, Cytherea petivit
    11. p.165
  11. Colchida; Caucaseis speculatrix[*](speculatrix M, speluncatrix V ) Iuno resedit
  12. rupibus, attonitos Aeaea in moenia vultus
  13. speque metuque tenens et adhuc ignara futuri.
  14. Vix primas occulta Venus prospexerat arces,
  15. virginis ecce novus mentem perstringere languor
  16. incipit; ingeminant commotis questibus aestus.
  17. ergo iterum sensus varios super hospite volvens
  18. maeret et absenti nequiquam talia fatur:
  19. 'si tibi Thessalicis, nunc si tua forte venenis
  20. mater et heu, siqua est, posset succurrere coniunx.