Epistulae
Seneca, Lucius Annaeus
Seneca, Lucius Annaeus, ca. 4 B.C.-65 A.D, creator; Gummere, Richard M. (Richard Mott), 1883-, editor
Certi sunt domitores ferarum, qui saevissima animalia et ad occursum expavescenda [*](expavescenda Gertz; expavescentia VPb.) hominem pati subigunt [*](subigunt Ludwig von Jan; sub iugum VPb.) nec asperitatem excussisse contenti usque in contubernium mitigant. Leonibus magister manum insertat, osculatur tigrim suus custos, elephantum minimus Aethiops iubet subsidere in genua et ambulare per funem. Sic sapiens artifex est domandi mala. Dolor, egestas, ignominia, carcer, exilium
v2.p.310
ubique horrenda, cum ad hunc pervenere, mansueta sunt. VALE.