Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Cum blandiretur iuveni meretrix perfida,
  2. Et ille laesus multis saepe iniuriis
  3. Tamen praeberet sese facilem mulieri,
  4. Sic insidiatrix: Omnes muneribus licet
  5. Contendant, ego te plurimi facio tamen.
  6. Iuvenis recordans quotiens deceptus foret:
  7. Libenter, inquit, mea lux, hanc vocem audio,
  8. Non quod fidelis, sed quod iucunda est mihi.