Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Asinus iacentem vidit in prato lyram.
  2. Accessit et temptavit chordas ungula;
  3. Sonuere tactae. Bella res sed mehercules
  4. Male cessit inquit artis quia sum nescius.
  5. Si repperisset aliquis hanc prudentior,
  6. Divinis aures oblectasset cantibus.
  7. Sic saepe ingenia calamitate intercidunt.