Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Qui fert malis auxilium post tempus dolet.
  2. Gelu rigentem quidam colubram sustulit
  3. Sinuque fovit contra se ipse misericors:
  4. Namque ut refecta est necuit hominem protinus.
  5. Hanc alia cum rogaret causam facinoris,
  6. Respondit: Ne quis discat prodesse improbis.