Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. In sterquilino pullus gallinaceus
  2. Dum quaerit escam, margaritam repperit.
  3. Iaces indigno quanta res inquit loco!
  4. Hoc si quis pretii cupidus vidisset tui,
  5. Olim redisses ad splendorem pristinum.
  6. Ego quod te inveni, potior cui multo est cibus,
  7. Nec tibi prodesse nec mihi quicquam potest.
  8. Hoc illis narro, qui me non intellegunt.