Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Vicini furis celebres vidit nuptias
- Aesopus et continuo narrare incipit:
- Uxorem quondam Sol cum vellet ducere,
- Clamorem ranae sustulere ad sidera.
- Convicio permotus quaerit Iuppiter
- Causam querelae. Quaedam tum stagni incola:
- Nunc inquit omnes unus exurit lacus
- Cogitque miseras arida sede emori.
- Quidnam futurum est, si crearit liberos?