Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Amittit merito proprium qui alienum adpetit.
  2. Canis per flumen carnem cum ferret natans,
  3. Lympharum in speculo vidit simulacrum suum,
  4. Aliamque praedam ab altero ferri putans
  5. Eripere voluit; verum decepta aviditas
  6. Et quem tenebat ore dimisit cibum,
  7. Nec quem petebat potuit adeo adtingere.