Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Solent mendaces luere poenas malefici.
  2. Calumniator ab ove cum peteret canis,
  3. Quem commendasse panem se contenderet,
  4. Lupus citatus testis non unum modo
  5. Deberi dixit, verum affirmavit decem.
  6. Ovis damnata falso testimonio
  7. Quod non debebat solvit. Post paucos dies
  8. Bidens iacentem in fovea conspexit lupum:
  9. Haec inquit merces fraudis a superis datur.