Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Fraudator homines cum advocat sponsum improbos,
  2. Non rem expedire, sed mala videre expetit.
  3. Ovem rogabat cervus modium tritici
  4. Lupo sponsore. At illa praemetuens dolum:
  5. Rapere atque abire semper assuevit lupus,
  6. Tu de conspectu fugere veloci impetu;
  7. Ubi vos requiram cum dies advenerit?