Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Fraudator homines cum advocat sponsum improbos,
- Non rem expedire, sed mala videre expetit.
- Ovem rogabat cervus modium tritici
- Lupo sponsore. At illa praemetuens dolum:
- Rapere atque abire semper assuevit lupus,
- Tu de conspectu fugere veloci impetu;
- Ubi vos requiram cum dies advenerit?