Tristia
Ovid
Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).
- scribimus et scriptos absumimus igne libellos:
- exitus est studii parva favilla mei.
- nec possum et cupio non nullos ducere versus :
- ponitur idcirco noster in igne labor,
- nec nisi pars casu flammis erepta dolove
- ad vos ingenii pervenit ulla mei.
- sic utinam, quae nil metuentem tale magistrum
- perdidit, in cineres Ars mea versa foret!