Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. laeta canam, gaude, defuncta laboribus Ino,
  2. dixit ‘et huic populo prospera semper ades.
  3. numen eris pelagi, natum quoque pontus habebit.
  4. in vestris aliud sumite nomen aquis:
  5. Leucothea Grais, Matuta vocabere nostris;
  6. in portus nato ius erit omne tuo,
  7. quem nos Portunum, sua lingua Palaemona dicet.
  8. ite, precor, nostris aequus uterque locis!’
  9. annuerat, promissa fides, posuere labores,
  10. nomina mutarunt: hic deus, illa dea est.
  11. cur vetet ancillas accedere, quaeritis? odit,
  12. principiumque odii, si sinat illa, canam,
  13. una ministrarum solita est, Cadmei, tuarum
  14. saepe sub amplexus coniugis ire tui.
  15. improbus hanc Athamas furtim dilexit; ab illa
  16. comperit agricolis semina tosta dari.
  17. ipsa quidem fecisse negat, sed fama recepit.
  18. hoc est, cur odio sit sibi serva manus,
  19. non tamen hanc pro stirpe sua pia mater adoret:
  20. ipsa parum felix visa fuisse parens,