Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. tum quoque priscorum virgo simulacra virorum
  2. mittere roboreo scirpea ponte solet.
  3. fama vetus tunc, cum Saturnia terra vocata est, talia fati dici dicta fuisse Iovis:
  4. ‘falcifero libata seni duo corpora, gentes,
  5. mittite, quae Tuscis excipiantur aquis:’
  6. donec in haec venit Tirynthius arva, quotannis
  7. tristia Leucadio sacra peracta modo;
  8. illum stramineos in aquam misisse Quirites:
  9. Herculis exemplo corpora falsa iaci.
  10. pars putat, ut ferrent iuvenes suffragia soli,
  11. pontibus infirmos praecipitasse senes.
  12. corpora post decies senos qui credidit annos
  13. missa neci, sceleris crimine damnat avos.
  14. Thybri, doce verum, tua ripa vetustior urbe est,
  15. principium ritus tu bene nosse potes.
  16. Thybris harundiferum medio caput extulit alveo
  17. raucaque dimovit talibus ora sonis:
  18. ‘haec loca desertas vidi sine moenibus herbas:
  19. pascebat sparsas utraque ripa boves,
  20. et quem nunc gentes Tiberim noruntque timentque,