Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. ipse tamen lectas Pagasaeis collibus herbas
  2. temperat et vana volnera mulcet ope:
  3. virus edax superabat opem, penitusque recepta
  4. ossibus et toto corpore pestis erat,
  5. sanguine centauri Lernaeae sanguis echidnae
  6. mixtus ad auxilium tempora nulla dabat,
  7. stabat, ut ante patrem, lacrimis perfusus Achilles:
  8. sic flendus Peleus, si moreretur, erat.
  9. saepe manus aegras manibus Angebat amicis
  10. (morum, quos fecit, praemia doctor habet),
  11. oscula saepe dedit, dixit quoque saepe iacenti
  12. vive, precor, nec me, care, relinque, pater!
  13. nona dies aderat, cum tu, iustissime Chiron,
  14. bis septem stellis corpora cinctus eras. [*](4. DC 5)
  15. Hunc Lyra curva sequi cuperet, sed idonea nondum
  16. est via: nox aptum tertia tempus erit. [*](6. FC)
  17. Scorpios in caelo, cum cras lucescere Nonas
  18. dicimus, a media parte notandus erit. [*](7. G NON . N 8. HF 9. A LEM — N)
  19. Hinc ubi protulerit formosa ter Hesperus ora,
  20. ter dederint Phoebo sidera victa locum,