Metamorphoses

Ovid

Ovid. Die Metamorphosen des P. Ovidius Naso, Volume 1-3. Magnus, Hugo, editor. Gotha, Germany: F.A. Perthes. 1892-1919.

  1. victa viri precibus. Quae cum iurare pararet
  2. dona tributuram post hunc se talia nulli,
  3. non est passa Themis: “Nam iam discordia Thebae
  4. bella movent” dixit “Capaneusque nisi ab Iove vinci
  5. haud poterit, fientque pares in vulnere fratres,
  6. subductaque suos manes tellure videbit
  7. vivus adhuc vates; ultusque parente parentem
  8. natus erit facto pius et sceleratus eodem;
  9. attonitusque malis exsul mentisque domusque,
  10. vultibus Eumenidum matrisque agitabitur umbris,
  11. donec eum coniunx fatale poposcerit aurum,
  12. cognatumque latus Phegeius hauserit ensis.
  13. Tum demum magno petet hos Acheloia supplex
  14. ab Iove Callirhoe natis infantibus annos
  15. neve necem sinat esse diu victoris inultam,
  16. Iuppiter his motus privignae dona nurusque
  17. praecipiet facietque viros inpubibus annis.”
  18. Haec ubi faticano venturi praescia dixit
  19. ore Themis, vario superi sermone fremebant,
  20. et “cur non aliis eadem dare dona liceret”