Metamorphoses

Ovid

Ovid. Die Metamorphosen des P. Ovidius Naso, Volume 1-3. Magnus, Hugo, editor. Gotha, Germany: F.A. Perthes. 1892-1919.

  1. decipere et calamo salientes ducere pisces.
  2. Ars illi sua census erat. Cum traderet artem,
  3. “accipe quas habeo, studii successor et heres,”
  4. dixit “opes.” Moriensque mihi nil ille reliquit
  5. praeter aquas: unum hoc possum appellare paternum.
  6. Mox ego, ne scopulis haererem semper in isdem,
  7. addidici regimen dextra moderante carinae
  8. flectere et Oleniae sidus pluviale capellae
  9. Taygetenque hyadasque oculis arctonque notavi
  10. ventorumque domos et portus puppibus aptos.
  11. Forte petens Delum Chiae telluris ad oras
  12. applicor et dextris adducor litora remis,
  13. doque leves saltus udaeque inmittor harenae.
  14. Nox ubi consumpta est (aurora rubescere prima
  15. coeperat), exsurgo, laticesque inferre recentes
  16. admoneo monstroque viam, quae ducat ad undas.
  17. Ipse, quid aura mihi tumulo promittat ab alto
  18. prospicio comitesque voco repetoque carinam.
  19. “Adsumus en!” inquit sociorum primus Opheltes,
  20. utque putat, praedam deserto nactus in agro,