Metamorphoses

Ovid

Ovid. Die Metamorphosen des P. Ovidius Naso, Volume 1-3. Magnus, Hugo, editor. Gotha, Germany: F.A. Perthes. 1892-1919.

  1. ornique et piceae pomoque onerata rubenti
  2. arbutus et lentae, victoris praemia, palmae
  3. et succincta comas hirsutaque vertice pinus,
  4. grata deum matri; siquidem Cybeleius Attis
  5. exuit hac hominem truncoque induruit illo.
  6. Adfuit huic turbae metas imitata cupressus,
  7. nunc arbor, puer ante deo dilectus ab illo,
  8. qui citharam nervis et nervis temperat arcum.
  9. Namque sacer nymphis Carthaea tenentibus arva
  10. ingens cervus erat, lateque patentibus altas
  11. ipse suo capiti praebebat cornibus umbras.
  12. Cornua fulgebant auro, demissaque in armos
  13. pendebant tereti gemmata monilia collo.
  14. Bulla super frontem parvis argentea loris
  15. vincta movebatur parilique aetate: nitebant
  16. auribus e geminis circum cava tempora bacae.
  17. Isque metu vacuus naturalique pavore
  18. deposito celebrare domos mulcendaque colla
  19. quamlibet ignotis manibus praebere solebat.
  20. Sed tamen ante alios, Ceae pulcherrime gentis,